Сэнтрал Экспресс Си Ви Эс ХК (“Компани”)-ийн Төлөөлөн удирдах зөвлөл (“ТУЗ”)-ийн 2023 оны 10-р сарын 25-ны өдрийн 29 тоот тогтоолоор хувьцаа эзэмшигчдийн ээлжит бус хурал (“Хурал”)-ыг 2023 оны 12-р сарын 04-ний өдрийн 14:00 цагт Улаанбаатар хот 17011, Хан-Уул дүүрэг, Махатма Ганди гудамж 39, Корпорэйт Конвеншн Центрийн 5-р давхрын хурлын өрөөнд хуралдуулна.
Хурлаар Компанийн энгийн хувьцааг нэмж гаргасан асуудлыг танилцуулж, дор дурдсан асуудлыг хэлэлцэн батална. Үүнд:
- Компанийн зарласан энгийн хувьцааны тоог нэмэгдүүлэх,
- Компанийн нэмж гаргах энгийн хувьцааг тэргүүн ээлжид худалдан авах эрхийг эдлүүлэх эсэх,
- Компанийн энгийн хувьцааг нэмж гаргах, өрийг хувьцаагаар солих, нэмж гаргасан хувьцааг хаалттай хүрээнд эзэмшүүлэх,
- Компанийн оршин байгаа хаягийг өөрчлөх,
- Компанийн оноосон нэрийг өөрчлөх,
- Компанийн нэмэлт өөрчлөлт орсон дүрмийн төслийг батлах,
- ТУЗ-ийн гишүүдийг бүрэн бүрэлдэхүүнээр нь хугацаанаас нь өмнө бүрэн эрхийг нь дуусгавар болгож дахин томилох.
Хурлаар хэлэлцэх асуудлын дэлгэрэнгүй задаргаа татах:
Монгол хэлээр:
English version:
Хуралд оролцох эрхтэй хувьцаа эзэмшигчдийн нэрсийн жагсаалтыг гаргах бүртгэлийн өдөр нь 2023 оны 11-р сарын 14-ний өдөр байна. Хуралд оролцох эрхтэй хувьцаа эзэмшигчид нь Компанийн www.cumongol.mn вэбсайтаас, эсвэл 2023 оны 11-р сарын 14-ний өдрөөс 12-р сарын 01-ний өдрийн (ажлын өдрүүдэд) 16:00–18:00 цагийн хооронд Монгол Улс, Улаанбаатар 13312, Баянзүрх дүүрэг, 26-р хороо, Олимп хороолол, Их Монгол Улсын гудамж 202, Сакура Тауэр, 7-н давхарт хүрэлцэн ирж Хурал хуралдуулахтай холбоотой баримт бичигтэй танилцах боломжтой.
Хуралд оролцох эрхтэй хувьцаа эзэмшигчдийн цахим бүртгэлийг 2023 оны 11-р сарын 14-ний өдрөөс 12-р сарын 04-ний өдрийн 14:00 цаг хүртэл https://hural.cumongol.mn веб хаягаар хийж, санал өгөх линк, нууц кодыг хувьцаа эзэмшигчдийн гар утсанд илгээнэ.
Хурлын санал хураалтыг https://hural.cumongol.mn веб хаягаар бүртгэлийг 2023 оны 11-р сарын 14-ний өдрөөс 12-р сарын 04-ний өдрийн 14:00 цаг хүртэл урьдчилан цахимаар болон Хурлын үеэр цахимаар тус тус хүлээн авна.
Хурал зохион байгуулах комиссын даргаар Санхүүгийн газрын захирал, Бизнес контроллер Д.Бүдханд, гишүүдээр ТУЗ-ийн нарийн бичгийн дарга Т.Гантулга, Маркетингийн газрын захирал Г.Батбаатар нар ажиллах бөгөөд Хуралд оролцож, санал өгөхтэй холбоотой мэдээллийг 2023 оны 11-р сарын 14-ний өдрөөс 12-р сарын 01-ний өдрийн (ажлын өдрүүдэд) 16:00–18:00 цагийн хооронд 8610-6181 утсаар эсвэл gantulga.t@cumongol.mn цахим шуудангаар авах боломжтой.